الكريبتو تايبان حاجة وحدة ولايني هو بزاف د الحاجات

*ماشي نصائح اسستمارية...

 منهار بدات البيتكوين ؤ المشاريع لي حاولات تقلدها او تزيد اضافة تاتنبع مشروع تابع مشروع لدرجة مايمكنش تبع كلشي...

  ؤ ايلا كان اغلبية هادشي اما مشاريع فاشلة او نصب هادشي متايمنعش وجود مشاريع حقيقية 

هادشي ماشي باش نوجهكم لشي حاجة ولكن لأثارة الانتباه للفرق لي كاين بين مشاريع الكريبتو..

البيتكوين : 

هو شبكة دفع الكتروني العملة ديالو هي البيتكوين يعني ايلا بيتي تستعملها خاصك تتوفر على هاد العملة بلا بيها مايمكنش ليك تستعمل هاد الشبكة! ارتفاع الطلب على استعمال الشبكة يؤدي الى ارتفاع الطلب على العملة بالاضافة الى انخفاض انتاجها مع الوقت تايدي منطقيا الى ارتفاع الاسعار...

نظام مالي مقاوم للتضخم

الايثيريوم : 

شبكة توفر بنية تحتية لبناء عدة تطبيقات حرة ولا مركزية بحال منصات الالعاب عقود الشركات او بناء منظمات و شركات لامركزية و العلاقات بين المشاركين تاتنظم او تاتبرمج في عقود ذكية يستحيل ايقافها او التراجع عليها...

هاد الشبكة تاتخدم بعملة خاصة بيها سميتها "الإيثر" مشكلتها رسوم غالية بجهد... وهادشي تايجي كنتيجة على ارتفاع استخدام الشبكة

نظام مالي غير محدد حاليا

الدودج :

 شبكة دفع الكتروني نسخة سيئة معدلة عن البيتكوين وهي اكتر شفافية من الدولار ههه مشكلتها حاليا امنية بالاساس "السعر حاليا فقاعي" عملة الشبك تاهيا سميتها "الدودج".

نظام مالي مع تضخم شفاف ؤ معروف ؤ حسن من ديال الدولار

الكاردانو : 

بحالها بحال الايثريوم غير هي صايبات احسن بروتوكول لا يعتمد على القوة الحاسوبية يعني ماتاتاكلش الضو وصديقة للبيئة وتعتبر احسن شبكة من حيث اللامركزية(الايثيريوم ستنتقل مستقبلا لبروتكول مشابه) عملتها سميتها "أدا"

البولكاضوت : 

بحالها بحال الكاردانو و الايتيريوم غير هي خدمات بالبروتوكول ديال كاردانو...عملة ديالها سميتها "الضوت"

ملاحظة : 

مؤسس كاردانو كان مؤسس مشارك ف الاثيريوم

مؤسس بولكاضوت كان تاهو مؤسس مشارك ف الاثيريوم 

الزيكاش : 

يمكن اعتبار البيتكوين عملة سيئة مقارنة مع الزيكاش "رأي شخصي تانتشاركو مع ان"

الاكس ار بي : 

عملة شبكة دفع  صايباتها شركة رايبل الميريكانية و جمعات بيها زبالة ديال لفلوس ؤ باقي عندها زبالة ديال العملة ؤ عندها زبالة ديال القضايا فالمحاكم الامريكية!

الليتكوين : 

صحاب البيتكوين فينما بايجربو شي بلان تايفكرو يزيدوه فالبيتكوين..تايجربوه فالليتكوين "فأر تجارب" هههه

الفايل كوين : 

عملة شبكة لحفظ البيانات

الطورتشين : 

شبكة تمكن من تبادل مختلف العملات الاخرى دون الحاجة الى وسطاء عملتها هي "الرون"

هادشي لي كتبت  متايعنيش هادشي لي كاين او هو لي غادي يكون ولكن الفكرة ماشي بالسعر ولكن بالحلول لي تاتحاول تخلقها هاد التقنيات

القيمة غادي تكون عند الحلول لي تم الاعتماد ديالها لي ما تعتامداتش مع الوقت غادي تغبر وخا توصل لملايين الدولارات!!! 

والسلام عليكم ؤ مبارك عوشركم ؤ دعيو معانا...