ماهو NFTs؟ اشناهوا NFTs
ليوما نهدرو على واحد لبلان كاين ف البلوكتشين. لي هو NFTs او
Non Fungible Tokens
طبعا ايلا ماكنتيش متبع هاد التقنية ربما تكون اول مرة تسمع بيه... بالنسبة للناس لي متبعين هادشي غادي تكون عندهم فكرة!
غادي نحاول نعطيكم فكرة على الموضوع فهاد الثريد...
بانو اول مرة ف 2017 مع Cryptokitties لي هوما واحد صور لمشاش كل صورة تتكون فريدة من نوعها مختلفة على الاخرين هاد لمشة تتكون مرتبطة بعقد ذكي"Samrt contact" تايكون مشجل فبلوكتشين الايثيريوم هااا
هدا العقد هو دليل ملكية ديال ديك المش و هو لي تايتسما الطوكن...و هو لي تايتباع و يتشرى فمنصات تبادل هاد النوع من الممتلكات الالكترونية ؤ لي شرا من عندك الطوكن تايولي هو المالك الجديد ديال المش هاااا
سميتهم Non Fungible Tokens (NFTs) حقاش عندهم قيمة ولكن غير تبادلية يعني متقدرش تستعملو كعملة حقاش متايتصرفش وفقط تستعملو كملكية بحال شي ارض او محال او لوحة فنية...
نعطيك متال :
البيتكوين هو طوكن Token يعني نقدرو نتبادلوه و نصرفوه و نقسموه بحالو بحال "درهم" هاد تايتسما طوكن Token
لوحة فنية حقاش مايمكنش تقسمها او تستعملها كوسيلة دفع تاتسما NFT ( Non Fungible Token) يعني تقدر فقط تبيعها او تشريها
هااا
نتاشرو بزاف ؤ ولا بزاف ديال الماركت بلايص فين تايتباعو و اتشراو بأسعار بعد المرات خيالية
في مجتمع البلوكتشين مكاينش خلاف على كون ان NFTs اضافة جميلة لهاد التقنية ولكن هناك واحد الخلل فالاستعمال الصحيح لهاد NFTs خاصة مع تناسل المنصات التي تروج لهاد كاستتمار NFTs مربح ...
في نظري الخاص هناك الكتير من التضخيم والتدليس وهادشي لي يقدر يخلي بنادم مدررم ويصدق شاري شي NFTs على اساس انها عمل فني باش تغلى و يبيعها ههه وتلقى شي خونا شافرها من ڭوڭل و مشجلها فكونطرا ب 10 دولار تجي نتا راسك مدمدم تشريها ب 100 دولار زعما باش تبيعها بمليون دولار وتا نوووض هههه
هاد لبلان يالله ڭال بسم الله و فالحقيقة واعر بجهد بالنسبة للفنانة و حتى لي تايجمعو الاعمال الفنية الرقمية ولكن خاص شي طرق ابداعية باش اي عمل فني رقمي مشجل فكونطرا ذكية فشي بلوكتشين ما خاصش تكون شي طريقة باش يتكوبا او يتنسخ بسهولة يعني خاص يكون شي ايكو سيستيم فين هداك الطوكن يخدم ...
بالنسبة ليا تمتلك الطوكن ديال عمل فني با غير تفرج فيه و نتا شاريه بزبالة ديال لفلوس... و فنفس الوقت يدخل اي واحد للماركت بلايس و يتفرج ف الطوكن ديالك فابور و يقدر يكوبيه فالحاسوب او الهاتف ديالو معندها تا معنى و هي تخويرة سانك سانك...
هادشي ما تايعنيش معندهمش مستقبل عندهم مستقبل كبير نقدر نهدر ليكم على الاستعمالات الممكنة و دات القيمة لهاد NFTs فتريد واحد اخر.... دابا فيهم هي التخوار...
الاعمال الفنية التي يمكن صناعة NFT لها
الرسم
الكاريكاتير
الموسيقى
الرقص
افلام الفديو بجميع انواعها
شوفو اي حاجة تقدر يتصايب ليها NFT
احتراماتي...
تعليقات
إرسال تعليق
Thank you ! your comment will be well displayed.